कारागारबाट तीन वर्षीय बालिको उद्धार

बन्दी सहायता नेपाल नामक संस्थाले कारागारमा बन्दी जीवन विताई रहेकी एक तीन वर्षीय बालिकाको उद्धार गरेको छ । आफ्नै भतिजाको हत्याको आरोपमा पूर्पक्षका लागि राजविराज कारागारमा बन्दी जीवन बिताइरहेकी सप्तरीको डाक्नेश्वरी नगरपालिका पातोकी उर्मिला मण्डलकी तीन वर्षीया छोरी ज्योति मण्डलको उद्धार गरिएको कारागारका जेलर सत्यनारायण यादवले जानकारी जानकारी दिएका छन । आमासँगै ज्यान मुद्यामा विगत १४ महिना देखि राजविराज कारागारमा बन्दी जीवन विताई रहेकी ज्योतिको उचित शिक्षा दिक्षा र उज्वल भविष्यको लागि बालीकाको आमाको इच्छाअनुसार उद्धार गरिएको संस्थाकी अध्यक्ष इन्दिरा रानामगरले बताएकी छन । उक्त सस्थाले कारागारमा बन्दी जीवन बिताइरहेका महिला बन्दीहरूका लागि एकथान पानी तान्ने मोटर र अध्ययनका लागि केही पुस्तकसमेत उपलब्ध गराएको जिल्ला कारागारले जनाएको छ । 

LEAVE A REPLY

Please enter your comment!
Please enter your name here