स्थानीय तहका सयौँ कर्मचारी काठमाडौँमा अलपत्र

स्थानीय तहकै मागको आधारमा सामान्य प्रशासन मन्त्रालयको सिफारिसमा लोक सेवा आयोगले सिफारिस गरेका चौथोदेखि छैटौँ तहसम्मका कर्मचारीलाई स्थानीय तहले विविध कारण देखाउँदै हाजिर गराउन नसकिने भन्दै फिर्ता गरेपछि उनीहरू यता न उताको अवस्थामा पुगेका हुन् ।

सामान्य प्रशासन मन्त्रालय स्रोतका अनुसार मङ्गलवार साँझसम्म फिर्ता पठाएको भन्दै निवेदन दिनेको सङ्ख्या एक सय जना पुगेको छ ।

कर्मचारीको अभावमा सेवा प्रवाह ठप्प भयो भन्दै कर्मचारी माग्ने तर सिफारिस भएर आइसकेपछि अनेक कारण देखाउँदै हाजिरै नगराई फिर्ता गराउने जस्ता गैरजिम्मेवारपूर्ण कार्यले थप समस्या निम्त्याएको हो । जसमा स्थानीय तहको सबैभन्दा ठुलो कमजोरी छ भने समयमै सही निर्णय र व्यवस्थापन गर्न नसक्नुमा सामान्य प्रशासन मन्त्रालयको पनि केही कमजोरी रहेको छ ।

‘लोक सेवा पास गरेर आइयो, अहिले जिम्मेवारी नै नपाएर दिनभरि घाम ताप्नुपर्दा नमज्जा लागि रहेको छ’ बागलुङ नगरपालिकामा लेखा समूहबाट एक नम्बरमा अधिकृत छैटौँमा सिफारिस भएका शिवराज रेग्मीले भने, ‘समायोजनबाट कर्मचारी आई सक्यो, दरबन्दी छैन भनेर हाजिर गराएनन्’

LEAVE A REPLY

Please enter your comment!
Please enter your name here