खेमराज त्यागी हुन्, जिताएर राजनीतिको दृष्टकोणमा परिवर्तन ल्याउनुस् : थापा

कास्की २ मा प्रतिनिधिसभा निर्वाचनमा काँग्रेसका त्यागी नेता खेमराज पौडेल उठेका छन् । उनलाई भोट माग्ने क्रममा काँग्रेस केन्द्रीय सदस्य गगन थापाले प्रवृत्तिलाई पुरस्कृत गर्ने क्रममा खेमराज गुरुलाई उम्मेदवार बनाइएको बताएका छन् ।

उनले यो निर्वाचनको परिणामबाटै कस्ता मान्छेहरु राजनीतिमा आउने भन्ने निर्धारण हुने पनि बताए । पोखरावासीलाई गगन थापाले भने, ‘खेमराज गुरुलाई जिताएर देखाउनुस् । उहाँको सुविधा भोगी त्यागलाई सम्झेर भोट हाल्नुस् ।’

थापाले पोखराको नतिजाले प्रचण्ड बहुमतको नेकपालाई फरक नपार्ने तर खेमराज गुरुले जितेमा राजनीतिलाई हेर्ने दृष्टकोणमा परिवर्तन आउने बताए ।

नेपाली काँग्रेसका केन्द्रीय सदस्य शेखर कोइरालाले आसन्न उपनिर्वाचन सरकारको परिवर्तनका लागि नभई उसलाई सच्याउनका लागि भएको बताएका छन् ।
काँग्रेसका तर्फबाट प्रतिनिधिसभा सदस्यका उम्मेदवार खेमराज पौडेलले जनताले बोकाइदिएको भारी सही ठाउँमा पु¥याएर बिसाउने प्रतिबद्धता व्यक्त गरे । आफूले जनताकै लागि ६० वर्ष राजनीति गरेको भन्दै उनले अबको जिम्मेवारी पनि सफलतापूर्वक निर्वाह गर्ने स्पष्ट पारे ।

नेपाली काँग्रेसका केन्द्रीय सदस्य धनराज गुरुङले त्यागी, इमान्दर र निष्ठावान व्यक्तित्व खेमराज पौडेललाई जिताउँदा पोखरेलीको इज्जत नै माथि हुने धारणा राखे ।

LEAVE A REPLY

Please enter your comment!
Please enter your name here