राष्ट्रिय बीमा कम्पनीले माग्यो विभिन्न पदमा ३४ कर्मचारी

राष्ट्रिय बीमा कम्पनी लिमिटेडले विभिन्न पदमा ३४ कर्मचारीको माग गरेको छ ।

लोक सेवा आयोगको सहमति अनुसार खुल्ला प्रतियोगितात्मक परिक्षाद्वारा स्थायी पदपूर्ति गर्नका लागि आवेदन आह्वान गरिएको कम्पनीले जनाएको छ ।

कम्पनीले सातौं तहको नायव व्यवस्थापक २ जना, छैठौं तहको सहायक व्यवस्थापक ९ जना, सूचना प्रविधि अधिकृत छैठौं १ जना माग गरेको छ ।

त्यस्तै पाँचौ तहमा सूचना प्रविध सहायक १ जना स्वास्थ्य सहायक १ र सहायक ‘क’ तीनजना माग गरेको छ । चौंथो तहको सहायक ‘ख’ १४, सहायक ‘ख’ कृषि प्राविधि २ जना र पशु प्राविधिक १ जनाको पदपूर्तिको आगि आवेदन आह्वान गरेको कम्पनीले जनाएको छ ।
इच्छुक र योग्यता पुगेका उम्मेदवारले मंसिर १२ भित्र आवेदन दिन सक्ने सूचनामा उल्लेख गरिएको छ।
कम्पनीले मंसिर १२ गतेसम्म दरखास्त बुझाउने अन्तिम म्याद तोकेको भएपनि मंसिर १९ सम्म दोब्बर दस्तुर तिरेर फारम बुझाउन सकिने छ ।

LEAVE A REPLY