के साच्चिकै द्रौपदीका पाँच पति थिए त ?

द्रौपदी नाम सुन्नासाथ पाँच पति भनेर जो कोहिको मनमा महाभारतको कथा सम्झना आई नै हाल्छ । द्रौपदी महाभारतको एक प्रमूख पात्र हुन् । बहुपति प्रथालाई स्वीकार नगर्ने संस्कार रहेको समाजमा द्रौपदीको पाँच पति हुनु भनेको क्रान्तिकारी र समाजमा अपाच्य हुने विषय बनेको थियो । जसका कारण उनीलाई नानाथरीका लाञ्छना पनि लगाइयो ।

हुन त द्रौपदीले अर्जुनसँग मात्र विवाह गरेकी हुन् तर कारणवश उनको सम्बन्ध अर्जुनका दाजुभाइसँग हुन पुग्यो । के द्रौपदीका साँच्चै नै पाँच पति थिए त ? वनवासमा रहँदा अर्जुनले ब्राह्मणको भेष बनाएर द्रौपदीलाई स्वयंबरमा जितेका थिए । प्रतिबिम्बमा हेरेर माछाको आँखामा निशान लगाउने परीक्षा जितेपछि द्रौपदी अर्जुनकी भइन् । तर अर्जुनका दाइ युधिष्ठिरले पहिला आफ्नो विवाह हुनुपर्ने बताए । अनि राजकुमारी द्रौपदी सबै पाण्डव भाइको पटरानी हुनुपर्ने पनि भने ।

द्रुपदले यस्तो बहुपतिमा आपत्ति उठाएपछि वेदव्यासले उनलाई द्रौपदीको पूर्वजन्मका बारेमा सम्झाएर राजी गराए । पूर्वजन्ममा भगवान् शिवसँग हडबडाएर पाँच वर मागेका कारण द्रौपदीले पाँच पति पाउने रहस्य रहेको वेदव्यासले सम्झाए । पाँचै पाण्डवले फरक फरक दिनमा द्रौपदीको पाणि ग्रहण गरे । पछि पाँचै पाण्डवबाट द्रौपदीले एक एक वर्षको अन्तरालमा एक एक पुत्र जन्माइन् । युधिष्ठिरको प्रतिविन्ध्य, भीमसेनको सुतसोम, अर्जुनको श्रुतकर्मा, नकुलको शतानीक र सहदेवको श्रुतसेन नामक छोरो जन्मिए ।

पाण्डवहरूले अन्य पत्नीसँग पनि विवाह गरेका थिए र उनीहरूबाट पनि सन्तान जन्माएका थिए । तर सबैले द्रौपदीलाई नै महारानी मान्थे । द्रौपदी कर्ण प्रति आसक्त थिइन् भनी बंगाली उपन्यासकार चित्रा बनर्जी दिवकरुणीले द प्यालेस अफ इल्युजनमा कथा बनाएकी छिन् । कर्णले द्रौपदीलाई पाउन नसकेको पीडा द्युतसभामा अपमान गरेर शमन गर्न खोजे ।

तर महाभारतका गहकिला पात्र र अध्यायलाई गहन गरेर हेर्ने हो भने कृष्णलाई मन पराउँथिन् द्रौपदी ।

Loading...

LEAVE A REPLY