वैज्ञानिक भन्छन् : नेपालमा फेरी आठ रेक्टरको भूकम्प आउने खतरा छ

Sharing is caring!


धादिङ केन्द्र भएर बुधबार तीन पटक भूकम्प गएको छ। बिहान दुई र दिउँसो एकपटक काठमाडौं र आसपासका क्षेत्रमा भूकम्पको धक्का महसुस भएको हो।

बिहान ६ बजेर २९ मिनेट जाँदा धादिङको नौबिसे केन्द्रविन्दु भएर पहिलो पटक ५.२ म्याग्निच्यूडको भूकम्प गएको थियो। त्यसलगतै सोही केन्द्रबिन्दु भएर ६ बजेर ४० मिनेट जाँदा ४.३ म्यानिच्यूडको भूकम्प गयो।

त्यसैगरी दिउँसो ३ बजेर ५ मिनेट जाँदा ३.९ म्यान्निच्यूडको भूकम्प गएको राष्ट्रिय भूकम्प मापन केन्द्रले जनाएको छ। २०७२ वैशाख १२ गते गोरखा बारपाक केन्द्रविन्दु भएर ७.८ म्याग्निच्यूड भूकम्प गएको ४ वर्ष पुग्न एकदिन बाँकी हुँदा भूकम्प गएको हो।

खानी विभागका महानिर्देशक तथा भूकम्पविद् डा. सोमनाथ सापकोटाले वैशाख १२ कै अघिल्लो दिन भूकम्प आउनु संयोग मात्रै भएको बताए। यो नयाँ भूकम्प नभएको र चार वर्षअघिकै भूकम्पको परकम्प भएको सापकोटाले जानकारी दिए।

ठूलो भूकम्प गएको वार्षिकी आउनै लाग्दा लगातार भूकम्पका दुई ठूला धक्का महसुस गरिएपछि पुनः ठूलो भूकम्प जाने होकी भनेर सामाजिक सञ्चालमा चर्चा चलेको छ।

नेपालमा ठूलो भूकम्प जाने सम्भावना रहेको भन्दै वैज्ञानिकहरूले सुरक्षित र बलियो बासस्थान निर्माणको आह्वान गरेका छन् । भारतीय वैज्ञानिकहरुले हिमालय क्षेत्रसहित नेपालमा भूकम्पको जोखिम रहेको दाबी गरेका छन् ।


जवाहरलाल नेहरू सेन्टर फर एड्भान्स साइन्टिफिक रिसर्चका लागि भूगर्भविद् सीपी राजेन्द्रको नेतृत्वमा गरिएको भौगर्भिक अनुसन्धानले यस्तो निष्कर्ष निकालेको हो । तीन वर्ष लगाएर गरिएको अनुसन्धानले भारतको उत्तराखण्ड र नेपालको पश्चिम क्षेत्रमा निकट भविष्यमा ठूलो भूकम्प जान सक्ने देखाएको छ ।.


‘दक्षिण एसियाको मध्य हिमालय क्षेत्रमा भविष्यमा जुनसुकै समय ८ दशमलव ५ म्याग्निच्युडसम्मको भूकम्प जान सक्छ,’ अध्ययन प्रतिवेदनमा भनिएको छ, ‘नेपालको पश्चिमी हिमाली क्षेत्र र भारतको उत्तराखण्ड क्षेत्रमा ठूलो भूकम्पको सम्भावना छ ।’

Sharing is caring!

Loading...

LEAVE A REPLY