आठौँ राष्ट्रिय खेलकुद पुरुष हक्कीको सेमीफाइनल समीकरण पूरा

Sharing is caring!

बाकेंको नेपालगञ्जमा भइरहेको राष्ट्रिय खेलकुद प्रतियोगिता अन्तर्गत् नेपालगञ्जको मंगल प्रसाद माविको खेल मैदानमा जारी पुरुष हक्की प्रतियोगिताको सेमीफाइनल समीकरण पूरा भएको छ ।

समूह ए बाट विभागीय टोली नेपाल पुलिस र त्रिभुवन आर्मी सेमीफाइनलमा प्रवेश गरेका छन् भने समूह बी बाट प्रदेश ५ र सुदूरपश्चिम प्रदेश सेमीफाइनलमा प्रवेश गरेका छन् । सोमबार भएको खेलमा प्रदेश नम्बर २ लाई ६–० गोलले पराजित गरेपछि पुलिस सेमीफाइनलमा प्रवेश गरेको हो । मंगलवारदेखि सेमीफाइनलका खेल हुने भएको छ । यस्तै , बाँकेको खजुरास्थित शुक्र माविमा भएको महिला हक्की प्रतियोगिताको तेस्रो दिन सोमवार भएको पहिलो खेलमा गण्डकी प्रदेशले प्रदेश नम्बर २ लाई २–० ले पराजित गरेको छ । दोस्रो खेलमा भने त्रिभुवन आर्मी र सुदूरपश्चिम प्रदेश वीच बराबरी भएको छ ।

Sharing is caring!

LEAVE A REPLY