सावधान ! शुद्ध भन्दै बेचिने पिउने पानीमा दिसामा पाइने जीवाणु , ३३ उद्योगको पानी परीक्षण गर्दा ९ वटामा जीवाणु

Sharing is caring!

१८ उद्योगले दूषित, ६ उद्योग मापदण्ड र ऐन नियमविपरीत

काठमाडौं–‘पानी उद्योगका पिउने पानीमा मानव स्वास्थ्यका लागि हानिकारक ‘कोलीफर्म’ पाइएको छ । शुद्ध प्रशोधित भन्दै विभिन्न ब्रान्ड दिएर बिक्री गरिएको पिउने पानीमा कोलिफर्मको जीवाणु भेटिएका छन् । कोलिफर्म दिसामा पाइने जीवाणु हो ।
खाद्य, प्रविधि तथा गुण नियन्त्रण विभागले शुद्ध पिउने पानीको ब्रान्ड दिएर बिक्री गर्दै आएका प्रशोधित पानीको गुणस्तर परीक्षण गर्दा यस्तो पाइएको गोरखापत्र दैनिकमा खबर छ ।

विभागले चालू आर्थिक वर्षको पहिलो ८ महिनामा विभाग र मातहतका कार्यालयमा आएका उजुरीका आधारमा विभिन्न ९वटा उद्योगले बिक्री गर्ने पानीको नमूना संकलन गरी गुणस्तर परीक्षण गर्दा कोलिफर्मको जीवाणु पाइएको हो ।

पछिल्लो ८ महिनामा विभागले ३३ वटा पानी उद्योगको नमुना संकलन गरी परीक्षण गरेको थियो । तीमध्ये नौवटा उद्योगले बिक्री गर्ने पानीमा कोलिफर्म भेटिएको छ भने, १८ वटा पानी उद्योगले दूषित गुणस्तरहीन पानी वितरण गरेको पाइएको छ । बाँकी ६ उद्योग मापदण्डविपरीत र ऐन नियमविपरीत सञ्चालनमा रहेको पाइएको छ ।

त्यस्तै पत्रिकाले बजेटमा समावेश गर्नुपर्ने विकास योजनाबारे सुझाव दिन सांसदहरु आआफ्नो क्षेत्रमा गएको, भ्रष्टाचारविरुद्ध सरकार आक्रमक हुने प्रधानमन्त्रीले बताएको लगायतका समाचारलाई पत्रिकाले प्राथमिकताका साथ छापेको छ।

Sharing is caring!

Loading...

LEAVE A REPLY